लोकटाइम्स

पुणे, दि. २६: पुणे जिल्ह्याचे जिल्हा माहिती अधिकारी म्हणून डॉ. रवींद्र ठाकूर यांनी पदभार स्वीकारला. यावेळी मावळते जिल्हा माहिती अधिकारी डॉ. किरण मोघे यांनी त्यांचे स्वागत करून पदभार सोपवला. डॉ. रवींद्र ठाकूर हे मूळ नाशिकचे असून त्यांनी उत्तर महाराष्ट्र विद्यापीठातून वृत्तपत्र विद्या शाखेत पदव्युत्तर पदवी संपादित केली आहे. त्यांनी जनसंपर्क क्षेत्रात पी.एच.डी. केली आहे. तसेच त्यांनी वृत्तपत्र क्षेत्रात अध्यापनाचे कामही केले असून सुरुवातीला दैनिक जनशक्ती, देशदूत या वृत्तपत्रात पत्रकारिता केली आहे. जनसंपर्क अधिकारी म्हणूनही त्यांनी काम केले आहे. ते २००७ मध्ये माहिती व जनसंपर्क महासंचालनालयाच्या सेवेत दाखल झाले असून अलिबाग–रायगड, मंत्रालय मुंबई, नाशिक, छत्रपती संभाजी नगर येथे त्यांनी यापूर्वी काम केले आहे. आता अहमदनगर येथून त्यांची पुणे जिल्हा माहिती अधिकारी पदी नियुक्ती झाली आहे. 0000

अमित ठाकरेंनंतर भाजपाचा शिवडीत मनसेचे उमेदवार बाळा नांदगावकर यांना पाठिंबा

मुंबई, : शिवडी विधानसभा मतदारसंघात भारतीय जनता पार्टीने महाराष्ट्र नवनिर्माण सेनेला पाठिंबा दिला आहे. शिवडीत मनसेचे उमेदवार बाळा नांदगावकर यांना आपला पाठिंबा असल्याचं मुंबई भाजपाचे अध्यक्ष व आमदार आशिष शेलार यांनी जाहीर केलं आहे. शेलार यांनी मंगळवारी (५ नोव्हेंबर) शिवडीतील भाजपा कार्यकर्त्यांशी संवाद साधला. यावेळी त्यांनी भाजपा कार्यकर्त्यांना सांगितलं की “तुम्ही मनसेचं इंजिन हे निवडणूक चिन्ह घराघरांत पोहोचवावं. मनसेसाठी, बाळा नांदगावकर यांच्यासाठी कंबर कसून प्रचार करा”. याआधी भारतीय जनता पार्टीने मनसेचे माहीम विधानसभा मतदारसंघातील उमेदवार अमित ठाकरे यांनादेखील पाठिंबा जाहीर केला आहे. अमित ठाकरे हे मनसे अध्यक्ष राज ठाकरे यांचे पुत्र आहेत. अमित ठाकरे आमच्या घरातीलच मुलगा असून आम्ही त्याच्यासाठी प्रचार करू अशी भूमिका आशिष शेलार व विधान परिषद सदस्य प्रसाद लाड यांनी घेतली आहे. आशिष शेलार म्हणाले, “पाठिंब्याबद्दल बाळा नांदगावकर किंवा मनसेने आपल्याला बोलण्याची वाट न पाहता आपण स्वतःहून त्यांचा प्रचार करू. स्वइंजिनाप्रमाणे आपण प्रचारात उतरू. मनसेचं स्वतःचं इंजिन (निवडणूक चिन्ह) आहेच. मी स...

डॉक्टरची एक कोटींची फसवणूक! परदेशातील कुरिअरमध्ये अमली पदार्थ सापडल्याची बतावणी

पुणे : पोलिसी कारवाईची भिती दाखवून फसवणूक करण्याचे प्रकार वाढीस लागले आहेत. परदेशातून पाठविलेल्या कुरिअरच्या पाकिटात अमली पदार्थ, परदेशी चलन सापडल्याची बतावणी करुन नागरिकांकडून पैसे उकळले जात आहेत. बाणेर भागातील एका डॉक्टरची सायबर चोरट्यांनी एक कोटी एक लाख ३० हजार रुपयांची फसवणूक केल्याचा प्रकार उघडकीस आला. याबाबत एका डॉक्टरांनी शिवाजीनगर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार सायबर चोरट्यांविरुद्ध गुन्हा दाखल करण्यात आला आहे. तक्रारदार डॉक्टरांच्या मोबाइल क्रमांकावर चोरट्यांनी संपर्क साधला. तुमच्या नावाने परदेशातून कुरिअर कंपनीने पाकीट पाठविले आहे. मुंबई विमानतळावर पाकीट जप्त करण्यात आले आहे. पाकिटात पाच पारपत्र, अमली पदार्थ, परदेशी चलन, लॅपटॉप सापडला आहे. मुंबई गुन्हे शाखेतील अधिकारी बोलत असून, त्वरीत चौकशीसाठी गुन्हे शाखेच्या कार्यालयात हजर व्हावे लागेल, अशी बतावणी चोरट्यांनी तक्रारदाराकडे केली. चोरट्यांनी त्यांच्या समाजमाध्यमातील खात्यावर मुंबई पोलिसांचे बोधचिन्ह वापरले होते. तुमच्या बँक खात्याची पडताळणी करायची असून, तातडीने खासगी बंक...

लोकनेते रामशेठ ठाकूर यांच्याकडे समाजसेवेचा धर्म - केंद्रीय मंत्री कपिल पाटील

पनवेल (प्रतिनिधी) लोकनेते रामशेठ ठाकूर यांच्याकडे समाजसेवेचा धर्म आहे, त्यामुळेच ते समाजोपयोगी उपक्रमे राबवून जनसेवा करीत आहेत, असे गौरवोद्गार केंद्रीय पंचायत राज राज्यमंत्री कपिल पाटील यांनी आज (दि. ०८) खांदा कॉलनी येथे काढले. श्री. रामशेठ ठाकूर सामाजिक मंडळ पनवेल, भारतीय जनता पार्टी पनवेल आणि रायगड मेडिकल असोसिएशन यांच्या संयुक्त विद्यमाने सेवा पंधरवडा निमित्ताने खांदा कॉलनीमधील सीकेटी महाविद्यालयात विनामूल्य आरोग्य तपासणी व मोफत औषधोपचार वाटप महाशिबीर यशस्वीपणे पार पडले. या १५ व्या या महाशिबिराचे उदघाटन केंद्रीय पंचायत राज राज्यमंत्री कपिल पाटील यांच्या हस्ते आणि माजी खासदार लोकनेते रामशेठ ठाकूर यांच्या अध्यक्षतेखाली संपन्न झाले. त्यावेळी ते मार्गदर्शन करताना बोलत होते. केंद्रीय मंत्री कपिल पाटील यांनी आपल्या भाषणात म्हंटले कि, आम्ही महाविद्यालयात असल्यापासून लोकनेते...

समाज कल्याण विभागामार्फत 'वॉक फॉर संविधान' चे उत्साहात आयोजन

पुणे, : सहायक आयुक्त समाज कल्याण कार्यालय पुणे, डॉ.बाबासाहेब आंबेडकर संशोधन व प्रशिक्षण संस्थाम बार्टी व पुणे शहरातील विविध सामाजिक संघटनांमार्फत संविधान दिनानिमित्त 'वॉक फॉर संविधान' रॅलीचे रविवारी (दि. २६) उत्साहात आयोजन करण्यात आले. क्रांतीसूर्य महात्मा ज्योतिबा फुले व क्रांतीज्योती सावित्रीबाई फुले यांनी स्थापन केलेल्या‍ भारतातील पहिली मुलींची शाळा ही ऐतिहासिक वास्तू भिडेवाडा येथून संविधान रॅलीची सुरूवात करण्यात आली. यावेळी केंद्रीय अवजड उद्योग मंत्रालयाच्या उपसचिव श्रीमती क्रांती खोब्रागडे, समाज कल्याण सहायक आयुक्त विशाल लोंढे, उपजिल्हाधिकारी तथा बार्टीच्या विभागप्रमुख श्रीमती स्ने्हल भोसले, राज्य शासनाचे माजी सचिव ओ.डी.तायडे आदी उपस्थित होते. यावेळी संविधानाच्या उद्देशिकेचे वाचन करण्यात आले. रॅलीचा भिडेवाडा येथून प्रारंभ होऊन लाल महाल, फडके हौद, दारूवाला पूल, १५ ऑगस्ट चौक, जूनी जिल्हा परिषद म...

महावितरणचे मुख्य अभियंता राजेंद्र पवार यांना उत्कृष्ट ग्राहक सेवा पुरस्कार प्रदान

ग्राहक पंचायत महाराष्ट्रच्या वतीने कोल्हापूर येथील अधिवेशनात मुख्य अभियंता श्री. राजेंद्र पवार यांना डॉ. विनय लाड यांच्याहस्ते पुरस्कार प्रदान करून गौरविण्यात आले. पुणे, दि. २६ ऑगस्ट २०२४ : ग्राहक पंचायत महाराष्ट्रच्या वतीने महावितरणच्या पुणे परिमंडलाचे मुख्य अभियंता श्री. राजेंद्र पवार यांना राज्यस्तरीय गटात प्रशासकीय उत्कृष्ट ग्राहक सेवा पुरस्कार प्रदान करण्यात आला. कोल्हापूर येथे ग्राहक पंचायत महाराष्ट्रचे राज्यस्तरीय दोन दिवसीय अधिवेशन नुकतेच झाले. या अधिवेशनात ग्राहक पंचायतचे राज्य अध्यक्ष डॉ. विजय लाड यांच्याहस्ते श्री. राजेंद्र पवार यांना पुरस्काराचे स्मृतिचिन्ह व मानपत्र प्रदान करून गौरविण्यात आले. यावेळी कोल्हापूर ग्राहक तक्रार निवारण आयोगाचे अध्यक्ष श्री. प्रवीण खोत, महावितरणचे मुख्य अभियंता श्री. स्वप्निल काटकर (कोल्हापूर), ग्राहक पंचायतचे राज्य सचिव श्री. अरुण वाघमारे यांची प्रमुख उपस्थिती होती.